காதலை காவு வாங்கி போனவனே ..!

உணர்வோடு கலந்து விட்ட
உன் உருவம்
உயிருக்குள் கலந்திடத்தான் மனசு ஏங்குதடா..

நீ வந்த திசையெல்லாம் எட்டி பார்த்தே இன்னும் என் மனசு அங்கு தான் நிக்குதடா..

சரியாய் அடைக்காத தண்ணீர்க் குழாயாட்டம் உன் நெனப்பு நெஞ்சுக்குள்ள சொட்டுதடா..

நீ காட்டிய அன்பு தான்
நெருப்பாய் எரிக்க பாக்குதடா
உன் நிலம் தேடியே
என் ஜீவன் பறக்க நினைக்குதடா...

உயிராய் நினைத்ததை
ஓலையில் சொன்ன உனக்கு
வேளை வரவில்லையே
எனை விட்டுப்போகும் செய்தி சொல்ல.. ..

மரணம் வந்தாலும் உடனிருப்பேன் என்றவனே நான் மண வாழ்க்கை கேட்டதற்கா
மலைத்து நின்றாய்..

காதல் தான் நீ ஆட
கிடச்ச கண்ணாமூச்சி,,
அது காவு வாங்கி போச்சுதடா
என் உள் மூச்சு..

காணாமப் போச்சு என் வுசுறு ஒன்னு..

வார்த்தையில வடிச்சிப்புட்டா

காகிதம் தான் அழுதிடுமோ..

ஒறவு ஒன்னு விட்டு போச்சு

என் ஒலகம் தான் நின்னுடுமோ..

பொட்ட புள்ள சிநேகிதம்

பொறந்த வீடு வரைக்கும்.
.
எட்டி நின்னு சொன்னவக

வாய்க்கு சக்கர இனிக்கும்..

வுசுரா பழகிய புள்ள ஒன்னு

ஒரவ வேணான்னு போச்சு

அவ ஓரக்க சொன்ன

வார்த்தை எல்லாம் ஊமையா ஆச்சு..

ஒரு தட்டுல தின்ன சோத்து ருசி

நாக்க விட்டு போகலையே..

அவ நெஞ்சினிக்க பேசிய பேச்சு

தொண்ட விட்டு நீங்கலையே.

. வுசுருக்குசுரா பழகுன பழக்கம்

காசு பணம் பிரிச்சிருச்சே

.. அவ உறவு தான் காணாத தூரமா

மல ஏறி போயிருச்சே..

பழகுனப்போ ஒரு வார்த்த சொல்லலையே..

அவ பிரிஞ்ச வெவரம்

என் வுசுருதான் தான்

இன்னும் நம்பலையே..

எனக்காத்தான் ஒன் வுசுருன்னு

எழுதாக் கொறையா நீ கேட்ட..

அத கண்டு கணக்கா கெடச்ச

காதல் கூட நான் பண்ணலையே.

. வாக்கப்பட்டு ஊரு தாண்டி

போறேன் நா மட்டும்.

. ஓன் வாசலுல வந்து கெடக்குதடி

என் நெனப்பு மட்டும்......